Молитва за месење просфора

(Се кажува во време на подготовка за месењето на просфората)

Цару небесен, Утешителу, Духу на вистината, кој си насекаде и сè исполнуваш, ризницо на благата и на живот подателу, пријди и всели се во нас и очисти нè од секоја нечистотија и спаси ги, Благи, душите наши.

Свети Боже, свети Крепки, свети Бесмртни, помилуј нè. (три пати)

Слава на Отецот и Синот и Светиот Дух и сега и секогаш и во вечни векови. Амин.

Пресвета Троице, помилуј нè, Господи, очисти ги гревовите наши, Владико, прости ги беззаконијата наши, Свети, посети и исцели ги немоќите наши, заради името Tвое.

Господи, помилуј. Господи, помилуј. Господи, помилуј.

Слава на Отецот и Синот и Светиот Дух и сега и секогаш и во вечни векови. Амин.

Отче наш, кој си на небесата, да се свети името Твое, да дојде царството Твое, да биде волјата Твоја, како на небото, така и на земјата. Лебот наш насуштен, дај ни го денес и прости ни ги долговите наши, како што им ги проштеваме и ние на нашите должници и не воведувај нè во искушение, но избави нè од лукавиот.

И молитвата:

Господи, ти благодарам во овој свет час, кога ме удостои со грешните мои раце да ги замесам Пречистите Дарови на Твојата љубов. Ти се молам, испрати Го Твојот Пресвет Дух, Кој ги благословува сите Таинства на Црквата, да ги благослови и овие Дарови, за да бидат добри и благопримени на Твојот Свет Жртвеник. И Ти се молам, да ги примиш, како што ја прими жртвата на Авел, славословието на пастирите, даровите на мудреците, солзите на Петар и покајанието на Разбојникот. И удостој ме секогаш да ти ги принесувам совесно. Амин.

По молитвите на светите отци наши, Господи Исусе Христе, Боже, помилуј и спаси нè. Амин.

Додаток

Потребни работи за подготовка на просфора:
(можете да користите брашно за секаква употреба)

1. Три (3) чаени шолји тврдо брашно
2. Две (2) чаени шолји меко брашно
3. Две (2) чаени шолји топла вода
4. Една (1) лажичка сол
5. Свеж квасец со големина колку еден бадем.

Молитва пред учење

Во името на Отецот и Синот и Светиот Дух. Амин.

Цару небесен, Утешителу, Духу на вистината, кој си насекаде и сè исполнуваш,
ризницо на благата и на живот подателу, пријди и всели се во нас и очисти нè од секоја нечистотија и спаси ги, Благи, душите наши.

Свети Боже, свети Крепки, свети Бесмртни, помилуј нè. (три пати)

Слава на Отецот и Синот и Светиот Дух и сега и секогаш и во вечни векови.
Амин.

Пресвета Троице, помилуј нè, Господи, очисти ги гревовите наши, Владико,
прости ги беззаконијата наши, Свети, посети и исцели ги немоќите наши, заради името Tвое.

Господи, помилуј. Господи, помилуј. Господи, помилуј.

Слава на Отецот и Синот и Светиот Дух и сега и секогаш и во вечни векови.
Амин.

Отче наш, кој си на небесата, да се свети името Твое, да дојде царството Твое,
да биде волјата Твоја, како на небото, така и на земјата. Лебот наш насуштен, дај ни го денес и прости ни ги долговите наши, како што им ги проштеваме и ние на нашите должници и не воведувај нè во искушение, но избави нè од лукавиот.

Tриесет и три молитви за триесет и трите јазли на бројаницата

01. Спомни, Господи, за мир во светот.

02. Господи, Исусе Христе, помилуј ја Црквата наша и нашето Православие.

03. Господи, Исусе Христе, помилуј го Епископот наш и неговото братство.

04. Господи, Исусе Христе, помилуј ги, низ целата Земја, Православните клирици    и лаици.

05. Господи, Исусе Христе, помилуј го нашиот Духовник и отец и неговото братство.

06. Господи, Исусе Христе, помилуј ја нашата војска и безбедносните служби.

07. Господи, Исусе Христе, помилуј ги началниците на нашиот народ.

08. Господи, Исусе Христе, помилуј ги оние кои нè мразат, нè љубат и кои се молат за нас.

09. Господи, Исусе Христе, помилуј ги нашите родители, добродетели и учители.

10. Господи, Исусе Христе, помилуј ги нашите по тело и по дух браќа и сестри и роднини.

11. Господи, Исусе Христе, помилуј ги старите и осамените луѓе.

12. Господи, Исусе Христе, помилуј ги новороденчињата, незаштитените и слабите.

13. Господи, Исусе Христе, помилуј ги децата кои учат.

14. Господи, Исусе Христе, помилуј ги младите момчиња и девојки.

15. Господи, Исусе Христе, помилуј ги наркоманите, алкохоличарите и пушачите.

16. Господи, Исусе Христе, помилуј ги сопружниците на Православните семејства.

17. Господи, Исусе Христе, помилуј ги нашите бремени сестри.

18. Господи, Исусе Христе, помилуј ги вдовиците и сираците.

19. Господи, Исусе Христе, помилуј ги разделените сопружници и нашите браќа и сестри во искушение.

20. Господи, Исусе Христе, помилуј ги болните по тело и по душа.

21. Господи, Исусе Христе, помилуј ги оние кои се трудат и работат во светите манастири и парохии.

22. Господи, Исусе Христе, помилуј ги благочестивите поклоници во светите манастири и цркви.

23. Господи, Исусе Христе, помилуј ги оние кои пловат, патуваат, летаат, затворениците и очајаните.

24. Господи, Исусе Христе, помилуј ги нашите ожалостени браќа.

25. Господи, Исусе Христе, помилуј ги судиите и политичарите.

26. Господи, Исусе Христе, помилуј ги опрелестените и оние кои го хулат светото
Православие.

27. Господи, Исусе Христе, помилуј нè и дај ни време мирно.

28. Господи, Исусе Христе, сочувај нè од болест, гнев, опасност и просвети ги лекарите и болничарите.

29. Господи, Исусе Христе, сочувај нè од глад, нужда и несреќа.

30. Господи, Исусе Христе, сочувај нè од жештина, пожари и земјотреси.

31. Господи, Исусе Христе, сочувај нè од поплави, тонење и мраз.

32. Господи, Исусе Христе, упокој ги и душите на отците, мајките, браќата и сестрите, роднините, дедовците и прадедовците наши.

33. Господи, Исусе Христе, помилуј ме мене грешниот.

Св. Нектариј Егински – дел од утрената служба

Хвалитни стихири на 4, глас 1:

Со пофални песни да се собереме и да го прославиме свештениот спомен на божествениот Нектариј, кој од Христа беше прославен, заради убавината на неговиот живот, со дар за чудесни исцеленија, за спасение на верните.

Твоите свети мошти, отче Нектариј, се покажаа како втора Силоамска бања: зашто лечат тешки болести, и преку дејствувањето на Духот секогаш им даруваат здравје и избавување на оние кои притекнуваат кај нив.

Кој ќе ја прослави достојно твојата семоќна сила, Спасителу и животодавецу? Зашто сега си ì го дал на твојата света Црква како столб и потпора, Нектариј со Бога беседеше, и вистински ти служеше во светост.

Помиризлив од полските кринови, за кои Спасителот говореше, е благоуханието на твоите почитувани мошти, благословен Нектариј, радувајќи ги сетилата на верните. Затоа Егина, гледајќи ја божествената благодат во тебе, достојно те нарече благословен.

Слава, глас 5:

Отче свет, бидејќи живеејќи си го направил божествениот закон твое задоволство, си се огледал на животот на древните отци: потчинувајќи му го плотскиот ум на духот, си се облекол во побожност и светост, како богомудар епископ, вистински трудбеник на добродетелта. Затоа од Бога светло си прославен и твоите мошти се покажаа како извор на исцеленија преку осенувањето на Утешителот. Но излеј ја во нашите срца росата на твојата благодат, блажен Нектариј, и преколнувај го Господа, да ни дарува голема милост.

И сега, богородичен:

Те ублажуваме тебе, Дево и Мајко Божја; ние верните заслужно те прославуваме: граде неразрушлив, тврдино несоборлива, непобедлива помош и штит, и прибежиште на нашите души.

Величанија:

Си се покажал во Црквата како нов светилник во последните времиња преку твојот свет живот: затоа со духовни зраци ги просветлуваш умовите на верните, отче Нектариј.

Од Христа си бил прославен со дар за чудотворење при твојот блажен крај: затоа, отче, твојот ковчег им точи секаков вид исцеленија на болните.

Сочувај го и штити твојот манастир, отче Нектариј, што посветено те почитува; и секогаш благословувај го Островот Егина и цела Грција со твојата помош и застапништво.

 

Св. Нектариј Егински

Тропар, глас 1:

Верни да го прославиме Нектариј, чедо на Селиврија и заштитник на Егина; вистински пријател на добродетелта, кој се појави во последните времиња како благочестив слуга Христов: зашто точеше обилно исцеленија врз оние кои со почит извикуваа: Слава на Христа Кој те прослави; слава на Оној Кој те возвелича; слава на Оној Кој преку тебе сите ги исцелува.

Слава, друг тропар, глас 4:

Си живеел свето како епископ богат со мудрост; си го прославил Господа преку твојот добродетелен живот светителу Нектариј. Затоа, прославен од силата на Утешителот, ти ги прогонуваш лошите духови и ги исцелуваш болните кои со вера доаѓаат кај твоите свети мошти.

Кондак, глас 8:

Со радосно срце да му испееме пофалби на оној кој се јави како новојавена светлина на вистинската вера, и новоподигнат бедем на Црквата, зашто бивајќи прославен преку дејството на Духот, обилно точеше исцелителна благодат врз оние кои повикуваат: Радувај се отче Нектариј.

Молитва – призив на свети Симеон Нов Богослов

Дојди, Светлино вистинска.

Дојди, Животу Вечен.

Дојди, тајно сокриена.

Дојди, ризницо безимена.

Дојди, неизречен.

Дојди, Лице недостапно.

Дојди, непрестајно радување.

Дојди, светлино невечерна.

Дојди, вистинска надеждо на сите што сакаат да се спасат.

Дојди, подигнување на легнатите.

Дојди, воскресение на мртвите.

Дојди, семоќен сесоздателу, кој преобразуваш и изменуваш сè само со волјата.

Дојди, невидлив, потполно непристапен и недопирлив.

Дојди, Ти Кој секогаш пребиваш неподвижен и во секој миг се придвижуваш и доаѓаш кон нас, кои лежиме во адот,

Ти, Кој пребиваш над сите небеса.

Дојди, име препосакувано и постојано провозгласувано; да се каже пак, што точно си Ти, каков си и од каков род, за нас е потполно невозможно.

Утрена служба на свети Наум Охридски

УТРЕНА

На Бог Господ, тропарот на преподобниот (2-пати); Слава, и сега, тропар на претпразненство.

По првото стихословие. Подобен: На убавината па твоето девство:

Глас 3: Навистина се прекрасни твоите нозе, преподобен, зашто богоподобно го проповедаше мирот што го надминува секој ум; вистинските ѕверови меѓу овците си ги смешал, дивите мизиски народи во овчото трло на Христа Бога си ги вовел. Затоа, спокоен мир испрати за нас и голема милост.

Слава, и сега, на претпразненство. Глас и подобен на истиот:

Преславно чудо се гледа денес, зашто нашиот Спасител сега брза во пештера да се роди телесно од Дева заради нас. Мудреците, пак, со дарови како на цар му се поклонуваат и пастирите со ангелите Го славословуваат, со нив и ние извикуваме: – Слава на Оној што се вочовечи заради нас!

По второто стихословие, седален, глас 1. Подобен: Гробот твој:

Извршител на чуда си бил, богоносецу, и молитвеник и патеводител на сите кон Бога, себлажен Науме, пофалбо мизиска; ние твоите рожби ти се молиме, избави нè од сегашните неволји и од идниот пламен со твојата божествена молитва.

Слава, и сега, на претпразненство. Глас и подобен на истиот:

Весели се Витлееме! Еуфрате, подготви се, зашто, ете, Агницата, која го носи големиот Пастир во утробата, доаѓа да роди. И мудреците, коишто ја предвидоа Божествената ѕвезда, се радуваат со праведно срце, пеејќи со пастирите.

Полиелеј и Величание: Те величиме, преподобен отче Науме и го почитуваме твојот свет спомен, наставниче на монасите и собеседниче на ангелите.

Избран псалм.

По полиелеј, седален, глас 8. Подобен: Премудроста и словото:

Бидејќи премудар од млада возраст, си се впрегнал во јаремот од твојот Господар, не со тежина, но исполнет со чесност, отче. А на божествениот Климент, си му бил содружник; и со него, откако ги подготви срцата на мизијците, си преминал кон безболен крај и за твоите маки награда собираш. Себлажен, преподобен, моли Го Христа Бога да ни дарува прошка за прегрешенијата, нам коишто го празнуваме со љубов твојот свет спомен.